एकता भंग र एमाले ब्युँतिन्छ: ओली

काठमाडौं । संसद विघटन गरेर मध्यावधि चुनावको घोषणा गरेका प्रधानमन्त्री केपी शर्मा ओलीले पार्टी नफुटे पनि एकता भंग हुने बताएका छन् । एमाले र माओवादी आ–आफ्नो बाटो लाग्न सक्ने ओलीको जिकिर छ ।

बालुवाटारमा आफूनिकटका सांसद र केन्द्रीय सदस्यहरुको राजनीतिक घटनाक्रमले नयाँ मोड लिएकोले अब यस्तो अवस्था आउन सक्ने भन्दै सचेत गराएको एक नेताले बताए ।

आगामी बैशाखमा दुई चरणमा मध्यावधि चुनाव गर्ने घोषणा गरेका प्रधानमन्त्री ओलीले पार्टी एकता भंग भएपछि नेकपा एमाले र सूर्यचिह्नलाई मान्यता दिने बताए । माओवादी र हँसिया हथौडा प्रचण्डले पाउने दावी गरे ।