एक करोड १४ लाख भिडियो किन हटायो युटुवले ?

काठमाडाैं । कम्पनीको मापदण्ड विपरीतका एक करोड १४ लाखभन्दा बढी भिडियो हटाएको युट्युबले जनाएको छ । यस वर्षको दोस्रो त्रैमासिक अवधिमा रहेका भिडियोहरू हटाइएको कम्पनीद्वारा उल्लेख गरेको छ ।

प्राप्त उजुरी र मूल्यांकनका आधारमा ती भिडियो हटाउनुपरेको स्पष्ट पारेको छ । सन् २०२० को अप्रिलदेखि जुनसम्मको अवधिका ती भिडियो हटाइएको हो । यस वर्ष अत्यधिक भिडियो हटाउनुपरेको कम्पनीले जनाएको छ ।

‘समाज र मानवप्रतिको जिम्मेवारी हाम्रो उच्च प्राथमिकताको विषय हो, कतिपय भिडियो सामग्रीले त्यसलाई दखल पार्ने निष्कर्षका साथ हामीले हटाएका छौँ,’ कम्पनीद्वारा जारी वक्तव्यमा उल्लेख गरिएको छ । बालसुरक्षा र हिंसालाई भड्काउन नदिनेतर्फ कम्पनी सचेत रहेको पनि वक्तव्यमा जनाइएको छ ।