- ३० आश्विन २०८३, शुक्रबार / Oct 16, 2026
भक्तपुर । एभरेस्ट स्कुल मिवाछें व्यासीका विद्यार्थीले म्हः पूजा गर्नुका साथै देउसीभैलो खेलेका छन् । कक्षा ३ का विद्यार्थीको आयोजनामा म्हःपूजा गरिएको हो । लहरै बसेर पूजा गरेका थिए । लबालिकाहरुलाई स्कुलका संस्थापक प्रिन्सिपल भक्त राजभण्डारी, प्रिन्सिपल कमला राजभण्डारीलगायत शिक्षक शिक्षिकाहरुले सहयोग गरेका थिए ।
पूजाका अवसरमा विद्यार्थीले परम्परा अनुसार नै मण्डला बनाउने, मण्डलामा फलफूल राख्ने, टिका लगाउनेलगायतका कार्यहरु गरेका थिए । विद्यार्थीलाई म्हः पूजाकोबारेमा जानकारी दिने उद्देश्यका साथ कार्यक्रम गरेको स्कुलका संस्थापक प्रिन्सिपल राजभण्डारीले बताए ।
उनले म्हः पूजा मात्रै नगरी नेपालमा मनाइने ठूल्ठूला चाँड विद्यार्थीलाई आफै गर्न लगाइ सिकाउने जनाए । उता सोही स्कुलका कक्षा ४ का विद्यार्थीले भने देउसीभैलोको आयोजना गरेका थिए । कार्यक्रममा स्कुलका विद्यार्थी सहभागी थिए । यता हिमालयन ग्लोरी इ स्कुलले पनि पुजा गरेर मनाएको थियो ।
