ओखरेनी गाउँका २५ घरपरिवार विस्थापित

सल्यान । अविरल वर्षाका कारण वागचौर नगरपालिका­ १२ बाफुखोलामा आएको पहिरोले ओखरेनी गाउँका २५ घरपरिवार विस्थापित भएका छन् । ओखरेनी गाउँ पहिराको उच्च जोखिममा रहेको छ ।

स्थानीयवासी विस्थापित भएर अहिले देउपुरीमा रहेको दुर्गा सरस्वती माविमा आश्रय लिइरहेका छन् । तीन घर पहिरोले बगाएको र गाउँभरि पहिरो गएकाले घर छाडेर विद्यालयमा बसेका हुन ।

पहिराले विस्थापित भएको यतिका दिन बित्दा पनि राहत नपाएको पीडितले गुनासो गरेका छन् । पहिराले ठूलो क्षति भएकाले तथ्याङ्क सङ्कलन गर्ने कार्य भइरहेको बागचौर नगरपालिका­ १२ का वडाध्यक्ष दीपककुमार वलीले बताएका छन् ।