- १४ आश्विन २०८३, बुधबार / Sep 30, 2026
काठमाडौं । कर्णाली प्रदेशको मुख्य न्यायधिवक्तामा मातृकाप्रसाद खनाल नियुक्त भएका छन् ।
दैलेख सिगौडी निवासी खनाललाई प्रदेश प्रमुख गोविन्दप्रसाद कलौनी समक्ष नियुक्तिका लागि सिफारिस भएको हो । मुख्यमन्त्री महेन्द्रबहादुर शाहीले संवैधानिक व्यवस्था अनुसार धारा १६० को उपधारा २ बमोजिम खनाललाई मुख्य न्यायाधिवक्तामा नियुक्तिको लागि प्रदेश प्रमुख समक्ष सिफारिस गरेका हुन् ।
यसअघि मुख्य न्यायाधिवक्तामा नियुक्त भएका विद्याभुषण मानन्धरको फागुन १३ गतेदेखि लागु हुने गरि राजीनामा स्वीकृत भएपछि खाली रहेको स्थानमा खनाललाई सिफारिस गरिएको हो ।
स्रोतका अनुसार केही दिनमै प्रदेश प्रमुखको कार्यालयमा खनालले सपथ लिने कार्यक्रम तय गरिएको छ । लामो समयदेखि अधिवक्ता भएर काम थालेका खनाल कानून र न्यायका जानकारका रुपमा सर्वसाधारणले बुझ्ने गरेका छन् ।
