कांग्रेस संसदीय दलको बैठक मंगलबार बस्ने

काठमाडौं । सत्तारुढ दल नेपाली कांग्रेसले संसदीय दलको बैठक बोलाएको छ । अमेरिकी सहयोग परियोजना अमेरिकी मिलेनियम च्यालेन्ज कर्पोरेशन (एमसीसी) र प्रधानन्यायाधीश चोलेन्द्रशमशेर राणाविरुद्ध दर्ता भएको महाअभियोग प्रस्तावबारे छलफल गर्न काँग्रेसले संसदीय दलको बैठक मंगलबारका लागि बोलाएको हो ।
सत्तारुढ गठबनधनका तीन दल नेपाली कांग्रेस, माओवादी केन्द्र र नेकपा एकीकृत समाजवादीका ९८ जना सांसदले आइतबार प्रधानन्यायाधीश राणाविरुद्ध संसदमा महाअभियोग प्रस्ताव दर्ता गराएका हुन ।

सत्ता साझेदार दलको सहमतिबिना पनि प्रधानमन्त्री शेरबहादुर देउवा संसदको आगामी बैठकमा एमसीसी सम्झौता टेलब गर्ने मनस्थितिमा रहेको जनाइएको छ ।
कांग्रेसले काठमाडौं उपत्यका बाहिर रहेका आफ्ना सांसदहरुलाई अनिवार्य काठमाडौं फर्कन निर्देशन दिएको छ । बैठक मंगलबार बिहान ९ बजे संघीय संसद भवन नयाँ बानेश्वरमा बस्ने नेपाली काँग्रेसले जनाएको छ ।