पाँच नेपाली कम्पनी र एक भारतीय कम्पनी कालोसूचीमा

काठमाण्डौ । सरकारले पाँचवटा नेपाली कम्पनीलाई एक–एक वर्ष र एक भारतीय कम्पनी टीबीईएलाई तीन वर्षका लागि कालोसूचीमा राखेको छ । कम्पनीहरुलाई कालोसूची अवधिभर सार्वजनिक निकायको कुनैपनि खरिद कारबाहीमा भाग लिन नपाउने गरि सरकारले कालोसूचीमा राखेको हो ।

नेपाली कम्पनीहरुमा चिराग कन्स्ट्रक्म्सन गोरखा, कर्णाली बिल्डर्स धनुषा, फैजल एण्ड अफजल कन्स्ट्रक्सन रौतहट, कुरालदेव निर्माण सेवा रसुवा र तितुङ कन्स्ट्रक्सन काठमाण्डौ रहेका छन् । सार्वजनिक खरिद अनुगमन कार्यालयले निर्माण तथा आपूर्तिमा आबद्ध एउटा कम्पनीलाई तीन वर्ष र ५ वटा कम्पनीलाई एक वर्षका लागि कालोसूचीमा राखेको जनाएको छ ।