केही ठाउँमा हल्का पानी पर्ने

काठमाण्डौ । शनिबार देशभरको मौसम बद्ली भएर देशका केही ठाउँमा सामान्य पानी पर्ने सम्भावना रहेको छ । पानी पार्ने प्रणाली नेपालमा अहिले नभए पनि स्थानीय वायुको प्रभावका कारण देशभरको मौसम आंशिकदेखि सामान्य बद्ली भएर वाग्मती प्रदेश, प्रदेश १ र २ का केही ठाउँमा सामान्य पानी पर्ने सम्भावना रहेको जनाइएको छ ।

मनसुन पछिको एक, दुई महिनाको समयलाई पोष्ट मनसुन भन्ने गरिन्छ । त्यही कारण काठमाण्डौसहित केही पहाडी भेगको मौसम अहिले धुम्मिएको जस्तो देखिएको छ । दिउँसो धुम्मिएको बादल हटेर अलि सफा हुनेछ र एक छिन घाम लाग्ने र फेरि बद्ली हुने सम्भावना रहेको मौसम विभागले जनाएको छ ।