कोरोनाविरुद्धको खोपको पहिलो मात्रा काठमाडौं महानगरमा दिइदै

काठमाडौं । काठमाण्डौ महानगरपालिकामा शुक्रबार (आज)बाट कोरोनाविरुद्धको पहिलो मात्रा खोप दिइदै छ । महानगरपालिकाका ३२ वटै वडामा १८ वर्षमाथिका सबै नागरिकलाई चिनियाँ भेरोसेल खोपको पहिलो मात्रा खोप दिइने काठमाडौं महानगरपालिकाले जनाएको छ ।

३२ वटा वडा कार्यालयसहित नेपाल प्रहरी अस्पताल, वीर अस्पताल, निजामती कर्मचारी अस्पताल, परोपकार प्रसूति तथा स्त्री रोग अस्पताल थापाथली र वीरेन्द्र सैनिक अस्पताल छाउनीबाट खोप लगाउन सकिने जनाएको छ ।