कोरोना भाइरसबारे मुसिकोट ९ मा छलफल

रुकुम । कोरोना भाइरस सम्बन्धि एक दिने जनचेतनामूलक कार्यक्रम मुसिकोट ९ मा सम्पन्न भएको छ ।

माहामारिको रुपमा फैलिएको कोरोना भाइरसबाट बच्नका छलफल भएको हो । उपचारको व्यवस्थासंगै यसबाट जोगिन व्यक्तिगतरुपमा ध्यान दिनु पर्ने कुराहरुका विषयमा सचेत गराइएको छलफलको वडा अध्यक्ष नवीन ओलीले जानकारी दिए ।

अध्यक्ष ओलीको अध्यक्षतामा सप्पन्न सो जनचेतनामूलक छलफल कार्यक्रममा जनप्रतिनिधि, स्वास्थ्य चौकी व्यवस्थापन समितिका पदाधिकारी, स्वयमसेबिका, विद्यालयका प्र. अ., नेपाल प्रहरीको सहभागिता रहेको थियो ।

वडा सचिव टेक बहादुर रोकाय र स्वास्थ्य चौकी चौखावाङ्गका इन्चार्ज डिल्लीराम बोहराले कोरोना भाइरसबाट बच्ने उपायका बारेमा सहजीकरण गरेका थिए । वडा कार्यालयमा हेल्प डेक्स स्थापना गरेर कोरोना भाइरसबाट बच्न प्रचार प्रसारलाई समेत अगाडि बढाईएको छ ।