खोटाङमा बस दुर्घटनामा ४ जना घाइते

खोटाङ । साकेला गाउँपालिका–४ मात्तिम मानेभञ्ज्याङबाट दिक्तेल जाँदै गरेको बा ३ ख १८९५ नम्बरको बस दुर्घटना हुँदा चार जना घाइते भएका छन् ।

साकेला गाउँपालिका–४ मात्तिम बिर्ताको कामिसरामा पल्टिँदा सहचालक सहित चार घाइते भएका हुन् ।

ब्रेक फेल भएर सडकमा बस पल्टिँदा साकेला गाउँपालिका–३ खिदिमाका दिपेन्द्र तामाङ, कल्पना राई, ऐसेलुखर्क गाउँपालिकाकी इन्दिरा पुरी र

शारदा नगरपालिका सल्यानका सहचालक मिलन मगर घाइते भएको खोटाङ प्रहरीले जनाएको छ । घाइतेको अवस्था सामान्य रहेको छ।