गैरेगाँउका पहिराे पिडितलाई नेकपाले दियो राहत

दैलेख । ठाँटीकाँध गाउँपालिका ४ गैरेगाँउका बाढीपिडित स्थानीयलाई नेपाल कम्युनिस्ट पार्टी दैलेखले खाध्यान्न वितरण् गरेको छ । भदौ २ गते अबिरल बर्षाले पहिरो गएर घरबार बिहिन भएका सात घरपरिवारलाई राहत वितरण गरेको हो ।

सरकार भ्रष्टाचार, कमिशन, दलाली र जनविरोधि काममा सक्रिय भएका बेला जनताको सुखदुखमा आफ्नो पार्टीले सहयोग गरिरहेको नेकपा दैलेखले जनाएको छ । पहिरोले गैरेगाँउका ७ घर वगाएको थियो भने २ बालकको ज्यान गएको थियो ।

पहिराे पीडित टिकाराम कठायत, दानबहादुर कठायत, कर्ण बहादुर कठायत, बल बहादुर नेपाली, लिला नेपाली र रण वहादुर शाहीलगायतले राहत पाउँदा खुसी व्यक्त गरे । चामल, दाल, नुन, तेललगायत विप्लव नेकपाले राहत बितरण गरेको नेकपा जिल्ला ईन्चार्ज दिपेन्द्रले बताए ‌।