- १७ श्रावण २०८३, आईतवार / Aug 2, 2026
इटहरी । वाईन पारखीका लागि अब स्वदेशमै किबी फलबाट उत्पादन भएको ‘प्रिन्सेस’ वाइन बजारमा आउँदै छ । धनकुटामा किबी फलबाट उत्पादन गरेको वाईन माउण्ट एभरेष्ट वाइनरीले बजामा ल्याउन लागेको हो । विदेशी वाइनले बजारमा विकविकी मच्चाइरहेका बेला नेपाली स्वादको स्वदेशमै उत्पादन गरी माउण्ट एभरेष्ट वाइनरीले नेपालीको चाहना पुरा गर्ने बताएको छ ।
लकडानका कारण बजारमा अत्याधिक माग भैरहेको र फेरी निषेधाज्ञा जारी भएपछि बजार लगभग शुन्य भैरहेका बेला वाइनरीले यही बीचमा ‘प्रिन्सेस’लाई बजारमा लौजाने तयारी थालेको छ । फलहरुको राजा भनेर चिनीने किबी फल नेपालको स्वादीलो फल हो । जीवन उपयोगी औषधिय गुण भएका अन्य फलफूल समेतबाट ुप्रिन्सेस वाइनु उत्पादन गरिएको कम्पनीका प्रवन्ध निर्देशक विष्णु बास्तोलाले बताए ।
नेपालका प्रमुख सहरहरुमा एकैसाथ केहि दिन भित्रै वाइन बजारमा ल्याउने तयारीका साथ काम अगाडि बढिरहेको उनको भनाइ छ । पूर्वी नेपालको उत्पादित अर्गानिक ुप्रिन्सेस वाईनु पोखरा, काठमाडौं, सुदूर तथा मध्यपश्चिमाञ्चल क्षेत्र र पूर्वी नेपालका बजारमा तीब्र बनाउने लक्ष्य रहेको र जापानसम्म वाईनको व्यापारिक केन्द्र बनाउने लक्ष रहेको बास्तोलले जानकारी दिए ।
पहाडी क्षेत्रमा उत्पादित सबै आर्गनिक फलफूलहरुलाई प्राथमिकता दिएर उत्पादनलाइ बढावा दिएको कम्पनीको दाबी छ । उत्पादनको सबै काम सकिएको र अब बजारमा लौजाने काम मात्रै बाँकी रहेको कम्पनीले जनाएको छ । धनकुटा राजारानी स्थित माउण्ट एभरेष्ट वाइनरी उद्योग स्थापना भएदेखि नै स्थानीय लाभान्वित भएका छन ।
किसानले उत्पादन गरेको किबी फलले समेत बजार पाएको छ । गुणस्तरहीन विदेशी वाइनलाइ विस्थापन गरी नेपाली युवा युवतीमैत्री नेपाली स्वादलाइ लक्षित गरि उत्पादन गरेकोले अन्य वाईन भन्दा फरक र स्वास्थ्यकर रहेको कम्पनीले जनाएको छ । आफ्नै बारीको अर्गानिक किबीबाट बनेको वाईनले सबैको मन जित्न विश्वास कम्पनीले गरेको छ । रातो र सेतो कलरमा वाईन उत्पादन गरेर बजारमा आउदा नेपाली युवा यवतीले मात्र नभई विदेशीले समेत मन पराउने कम्पनीका अध्यक्ष हरेराम साहले बताए ।
