- २९ जेष्ठ २०८३, शुक्रबार / Jun 12, 2026
काठमाडौं । नेपाली कथानक चलचित्र ‘बगान’ एकल महिलाले निःशुल्क हेर्न पाउने भएका छन् । असार २९ गतेबाट प्रदर्शनमा आउने सो चलचित्र एकल महिलालाई निःशुल्क देखाउने निर्देशक सरोज खनालले बताए ।
बुधबार चलचित्रको ट्रेलर सार्वजनिक कार्यक्रममा निर्देशक खनालले सिनेमाको कथावस्तु एकल महिलामा आधारित भएकाले उनीहरूको सम्मानमा निःशुल्क देखाउने निर्णय गरिएको बताए ।
चलचित्रमा करिष्मा मानन्धर, सरोज खनाल, आकाश श्रेष्ठ, प्रमिला कार्की, नीर शाह र मिथिला शर्मालगायत कलाकारको बेजोड अभिनय रहेको छ । सरोज खनालको लेखन तथा निर्देशन रहेको ‘बगान’ले एकल महिलाको संघर्षको कथालाई उतारेको छ । सरोज खनालको डेब्यु निर्देशन ‘बगान’ असार २९ गते रिलिज हुँदैछ ।
