- ३१ असार २०८३, बुधबार / Jul 15, 2026
काठमाडौं । रुससँग युद्ध अन्त्यको लागि आफ्नो एक इन्च जमिन पनि नछोड्ने युक्रेनले चेतावनी दिएको छ । राष्ट्रपति भोलोदिमीर जेलेन्स्कीले रुससँंगको युद्ध कुटनीतिक बाटोबाट मात्रै समाधान हुने बताउदै युद्ध अन्त्यको लागि आफ्नो एक इन्च जमिन पनि नछोड्ने चेतावनी दिएका हुन ।
उनले आफ्नो भू–भाग दिने विषयमा सम्झौता नहुने घोषणा घोषणा समेत गरेका छन् । रुसले युक्रेनको पूर्वी क्षेत्रमा रहेको सेभेरोडोनेत्स्क शहरमा घेरा हालेकै बेला युक्रनले आफ्नो घोषणा सार्वजनिक गरेको हो । पोल्याण्डका राष्ट्रपति एन्ड्रेजेज डुडाले युक्रेनको किभमा संसदलाई सम्बोधन गर्दै युक्रेनीहरूले मात्रै आफ्नो भविष्यको निर्णय गर्ने सक्ने औंल्याएका छन् ।
भ्रमणको क्रमको किभ पुगेका राष्ट्रपति डुडाले सम्बोधनकै क्रममा युक्रेनलाई युरोपियन युनिएन इयुमा सामेल गराउने प्रयास जारी रहेको समेत बताएका छन् । युक्रेनी राष्ट्रपतिका सल्लाहकार मिआयलो पोडोल्याकले आगामी दिनमा अझै रक्तापातपूर्ण युद्ध हुनसक्ने संकेत गर्दै रुससँग कुनै हालतमा सम्झौता नगर्ने स्पष्ट बताएका छन् ।
