जनहितका प्रस्ताव नीति तथा कार्यक्रममा समेटिनुपर्छ : सांसद गोसाई

हेटौडा ।  नेपाल मजदुर किसान पार्टीका बागमती प्रदेश सांसद सुरेन्द्रराज गोसाईले प्रदेशको नीति तथा कार्यक्रममा १० बुँदे संशोधन प्रस्ताव राखेका छन् । शनिबार नीति तथा कार्यक्रममाथिको छलफलकाक्रमा नेमकिपा बागमती प्रदेश सभाका सांसद सुरेन्द्रराज गोसाईले १० बुँदे संशोधन प्रस्ताव राखेका हुन । गोसाईले प्रदेशको मात्रै नभई समग्र नेपालकै हित हुने प्रस्ताव प्रदेशको नीति तथा कार्यक्रममा समावेस गरिनु पर्ने बताएका थिए ।

सांसद गोसाईले राखेको प्रस्ताव फिर्ता लिन सभामुख सानुकुमार श्रेठले अनुरोध गरे पनि सांसद गोसाईले आम जनताको हित गर्ने प्रस्ताव फिर्ता नलिने जानकारी दिए । बागमती प्रदेशले सार्वजनिक गरेको नीति तथा कार्यक्रममा नेमकिपाले राखेको संशोधन प्रस्तावका बुँदा यस्ता छन्
१
विद्यालय तहदेखि नै कला संस्कृति र सम्पदा संरक्षण सम्बन्धी पाठ्यक्रम लागु गरि अध्यापन गर्नुपर्ने ।
२
विद्यालय तहदेखि नै संघीयता,प्रदेशको भूमिका तथा विकेन्द्रीकरणका सिद्धान्तबारे पाठ्यक्रम लागु गरि अध्यापन गराउने ।
३
कुनै पनि सहर वस्तीको जलाधार क्षेत्रमा तथा सम्पदामा हानी नोक्सानी पुग्नेगरी रंगशाला, क्रिकेट मैदान अथवा व्यापारिक भवन निर्माण गरिने छैन र गरिएका भए तत्काल बन्द गर्ने
अथवा निर्माण कार्य स्थगन गरिने छ ।
४
प्रत्यक गाउँपालिका र नगरपालिकामा कम्तिमा एउटा बालोद्यान केन्द्र तथा शिशु स्याहार केन्द्र स्थापना गरिने छ ।
५
स्थानीय पालिकाद्वारा स्थापित अस्पताललाई सरलिकृत,भौतिक,प्राविधिक तथा मानव संसाधान उपलब्ध गराउने
६
सवल तथा पूर्वाधार सम्पन्न पालिकालाई विश्वविद्यालय सञ्चालन गर्न आवश्यक सहयोग उपलब्ध गराई शिक्षा क्षेत्रलाई प्रदेशमा अगाडि बढाउने लगायतका बुँदाहरु रहेका छन् ।
देश र जनताको चौतर्फि हितका महत्वपूर्ण बुँदा भएपनि सभामुख सानुकुमार श्रेष्ठले प्रस्तावलाई निर्णयार्थ प्रस्तुत गर्दा उक्त प्रस्ताव अस्वीकृत भएको घोषणा गरेका थिए ।