१८ लाख भन्दा बढि मानिस प्रभावित हुने चेतावनी

काठमाडौं । यो वर्ष मनसुनजन्य विपद बाढी पहिरोबाट १८ लाख बढी मानिस प्रभावित हुने मौसम विद्हरुले चेतावनी दिएका छन् । शुक्रबारबाट मनसुन नेपाल प्रवेश गरेको र अहिले देशभर फैलिने क्रममा रहेकाले बाढी पहिरोजन्य प्रकोपबाट १८ लाखभन्दा बढी मानिसहरु प्रभावित हुने मौसमविद्हरुले चेतावनी दिएका हुन । यो वर्षको मनसुनमा औसत भन्दा बढि पानी पर्ने जल तथा मौसम विज्ञान विभागले पूर्वानुमान गरेको छ ।

गत वर्ष औसत बराबरजस्तो पानी पर्दा ४ सय मानिसको मृत्यु भएको थियो भने ११ सयभन्दा बढि परिवार प्रत्यक्ष प्रभावित भएका थिए । यतिवेला देशको पूर्वी र मध्य भूभागमा उत्तर पश्चिम बंगालको खाडी र आसपास बनेको न्यून चापीय क्षेत्रको प्रभाव छ । पश्चिमी भू–भागमा पश्चिमी वायु र स्थानीय वायुको मिश्रित प्रभाव रहेको छ ।