- २८ श्रावण २०८३, बिहीबार / Aug 13, 2026
अफगानिस्तान । अफगानिस्तानको विद्रोही समूहले कन्दाहारस्थित जेल तोडेर आफ्नो संगठनका राजनीतिक वन्दीहरुलाई मुक्त गरेको छ । देशका प्रान्तीय राजधानीहरु कब्जा गर्दै अघि बढेको तालिवानले बारम्बार उक्त जेलमा आक्रमण गर्ने कोशिस गर्दै आए पनि बुधबार राती कान्दाहार जेल तोड्न सफल भएका हुन ।
अफगान राष्ट्रपति असरफ गनीले राष्ट्रिय सेनाका प्रधान सेनापति वाली अहमदजानीलाई बर्खास्त गरेर नयाँ प्रधानसेनापतिमा हिबातुल्लाह अलिजाईलाई नियुक्त गरेका छन् । देशको झण्डै दुई तिहाई भूभागमा कब्जा जमाईसकेको विश्वास गरिएको तालिवान समूह तीब्र गतिमा राजधानी काबुलतर्फ अघि बढेको पनि समाचारमा जनाइएको छ ।
उक्त जेलमा तालिवानका महत्वपूर्ण नेता तथा लडाकुहरु राखिएकाले जेल विद्रोहीको निशानमा थियो । जेलबाट कति जनालाई भगाइयो भन्ने उल्लेख नगरिए पनि तालिवानले जेल ब्रेकको भिडियो सार्वजनिक गरेका छन् ।
