- २८ भाद्र २०८३, आईतवार / Sep 13, 2026
काठमाडौँ । पूर्वराष्ट्रपति डोनाल्ड ट्रम्पविरूद्धको महाअभियोग अमेरिकी माथिल्लो सदन सिनेटले अस्वीकृत गरेको छ ।
संसद भवन आक्रमणमा समर्थकलाई ‘उकासे’को आरोपमा महाअभियोग लगाइए पनि सिनेटमा त्यसको पक्षमा आवश्यक मत नपुगेको हो । सिनेटले महाअभियोग अस्वीकृत गरेसँगै ट्रम्प कलंकित हुनबाट जोगिएका छन् । ५७ सिनेटरले महाअभियोगको पक्षमा मदान गरे पनि उनलाई दोषी ठहर्याउनका लागि पर्याप्त नभएको सिनेटले जनाएको छ ।
महाअभियोगमा उनलाई दोषी ठहर गर्ने पक्षमा ५० डेमोक्र्याट तथा सात रिपब्लिकन सिनेटरले मत दिएका थिए । माथिल्लो सदन सिनेटका १०० सदस्यमध्ये कम्तीमा ६७ सदस्यको मतले मात्रै महाअभियोग पारित हुने व्यवस्था छ ।
