- १० बैशाख २०८३, बिहीबार / Apr 23, 2026
काठमाडौं । बाढी र पहिरोले अवरुद्ध सडक खुलाउन सरकारले पूर्व तयारी गरेको छ । देशभर अवरुद्ध सडक खुलाउन १ सय ९५ स्थानमा हेभी इक्युपमेन्ट तयारी अवस्थामा राखेर पूर्व तयारी थालिएको हो । वर्षा याम सुरु भएसंगै बाढी र पहिरोका कारण सडक अवरुद्ध हुदै आएका छन् । राजमार्ग अवरुद्ध भएमा केही घण्टाभित्रै सञ्चालन गरिसक्ने गरी तयारी गरिएको जनाइएको छ ।
यतिले पनि पुगेन भने निजी क्षेत्रसँग भएका मेसिनहरु पनि प्रयोग गर्न सक्ने गरी सम्बन्धित सडक डिभिजन कार्यालय तथा योजना कार्यालयहरुलाई निर्देशन भइसकेको छ ।
सडक विभागले पहिरो र बाढीको जोखिम भएका सडकको पहिचान गरी त्यसका आधारमा तयारी अघि बढाएको र देशभरमा डिभिजन सडक कार्यालय र हेभी इक्युपमेन्ट कार्यालयमार्फत उपकरण तथा जनशक्ति तयारी अवस्थामा राखिएको जनाइएको छ ।
