थप दुई जना चिनियाँ नागरिक सुन तस्करीको आरोपमा पक्राउ

काठमाण्डौ । सुन तस्करीको आरोपमा थप दुई जना चिनियाँ नागरिक पक्राउ परेका छन् । ६० किलो सुन तस्करी प्रकरणमा संलग्न रहेको आरोपमा उनीहरु पक्राउ परेका हुन ।

प्रहरीले यो प्रकरणमा अहिलेसम्म २३ जनालाई पक्राउ गरेको छ । राजश्व अनुसन्धान विभागले गएको साउन ३ मा भन्सार जाँचपासबाट बाहिरिएको सुनसहितको एक सय ५५ किलो ‘ब्रेक सु’ बरामद गरेको थियो । चिनियाँ तस्करले हङकङबाट भित्र्याएको ब्रेक शुबाट बरामद गरिएको सुन मङ्गलवार गालिएपछिको तौल ६० किलो ७ सय १६ ग्राम छ ।

प्रहरीको केन्द्रीय अनुसन्धान ब्युरो (सीआईबी) ले अनुसन्धानका क्रममा दुई जनालाई काठमाण्डौबाट पक्राउ गरेको हो ।
पक्राउ परेकाहरुको प्रहरीले नाम खुलाएको छैन ।