- १९ श्रावण २०८३, मंगलवार / Aug 4, 2026
३० साउन २०७७ काठमाडौं( पछिल्लो २४ घन्टामा नेपालमा थप ५९४ जनामा कोरोना भाइरसको संक्रमण देखिएको छ । यो सहित नेपालमा कोरोना संक्रमित हुनेको संख्या २५ हजार ५५१ जना पुगेको छ ।
पछिल्लो २४ घण्टामा थप २४० जना कोरोना संक्रमणमुक्त भएका छन् । योसहित नेपालमा हालसम्म १७ हजार ७७ उपचारपछि निको भएका छन्।नेपालमा हालसम्म ९९ जना कोरोना संक्रमितको मृत्यु भएको छ ।
हेर्नुहाेस् भिडियाे…
https://www.facebook.com/Kailashkhabarnews/videos/367100578021367/
मेची अञ्चल अस्पतालमा १७ जना डिस्चार्ज
मेची अञ्चल अस्पतालमा उपचाररत १७ जना डिस्चार्ज भएका छन् । साउन १९ गतेदेखि मेची अञ्चल अस्पतालमा उपचाररत २२ जना कोरोना सक्रमितमध्ये आज नेगेटिभ नतिजा आएकाहरु घर फर्किएका छन् ।
डिस्चार्ज हुने १७ जनामध्ये १ महिला र अन्य पुरुष रहेका छन् । मेची अञ्चल अस्पतालका मेडिकल सुपरिटेन्डेन्ट डाक्टर पिताम्बर, डाक्टर गोबिन्द कँडेलको टिमले फूलगुच्छा, अबिर र निरोगिताको प्रमाणपत्र दिएर उनीहरुलाई बिदा गरेका थिए ।
थप ४ जना संक्रमितको मृत्यु, मृतकको संख्या ९९ पुग्यो
२४ घण्टामा थप चार जना कोरोना संक्रमितको मृत्यु भएको स्वास्थ्य तथा जनसंख्या मन्त्रालयले जनाएको छ । नेपालमा थप ४ जनाको मृत्यु भएसँगै ९९ जना संक्रमितको मृत्यु भएको छ । पछिल्लो २४ घन्टामा नेपालमा थप ५९४ जनामा कोरोना भाइरसको संक्रमण देखिएको छ । पछिल्लो २४ घण्टामा थप २४० जना कोरोना संक्रमणमुक्त भएका छन्। योसहित नेपालमा हालसम्म १७ हजार ७७ उपचारपछि निको भएका छन् ।
नारायणी अस्पतालका डाक्टर, नर्ससहित थप १५ जनामा कोरोना
वीरगञ्जस्थित नारायणी अस्पतालका डाक्टर, नर्ससहित थप १५ कर्मचारीमा कोरोना भाइरसको संक्रमण देखिएको छ । यो सहित नारायणी अस्पतालका मात्र ६५ जनामा कोरोना भाइरसको संक्रमण देखिएको छ ।
अस्पतालका मेडिकल सुपरिटेन्डेन्ट डा मदन उपाध्यायका अनुसार डाक्टर, नर्स, स्वास्थ्यकर्मीमा नै संक्रमण देखिएकाले सेवा प्रवाहमा समस्या परेको छ । उनका अनुसार वीरगञ्जमा दैनिक संक्रमित थपिने क्रम जारी रहेकाले उपचारमा समस्या उत्पन्न भएको हो । अस्पतालका १५ सहित थप ४९ जनामा कोरोना देखिएको हो ।
उपत्यकामा १३८ कोरोना संक्रमित थपिए
काठमाडौं उपत्यकामा १३८ कोरोना संक्रमित थपिएका छन् । काठमाडौंमा ८३, ललितपुरमा ३० र भक्तपुरमा ५ जना कोरोना संक्रमित देखिएका छन् । आजको सहित काठमाडौं उपत्यकामा कूल संक्रमितको संख्या १६९७ पुगेको छ । काठमाडौंमा १३६१, ललितपुरमा २२१ र भक्तपुरमा ११५ संक्रमित पुष्टि भएका छन् ।
