- ३१ असार २०८३, बुधबार / Jul 15, 2026
३० साउन २०७७ सल्यान । झारफुक गर्ने बहानामा बलात्कार गर्ने एक झाक्रिलाई सल्यान प्रहरीले पक्राउ गरेको छ । शारदा नगरपालिका ८ सिमखर्कका ३८ वर्षीय शंकर वली (झाक्रि)ले झारफुक गरिदिन्छु भन्दै एक महिलालाई बलात्कार गरेको आरोपमा पक्राउ गरेको जिल्ला प्रहरी कार्यलय सल्यानले जनाएको छ ।
गएको साउन २० गते राति बिरामी परेकी भाउजु नाता पर्ने महिलालाई एक्लै झारफुक गरे सन्चो हुन्छ भन्दै बलात्कार गरेको प्रहरी प्रमुख ढकेन्द्र खतिवडाले बताए । आँफु बिरामी भएको र देवरले फुकेपछि मात्र निको हुँने भन्दै एक्लै कोठामा बसाली रातको समयमा बलात्कार गरेको पिडित महिलाले उजुरी दिएको प्रहरीले जनाएको छ ।
भनेको नमाने अनिष्ट निम्तिने भन्दै बलात्कार गरेको उजुरीका आधारमा पक्राउ गरेको प्रहरीको भनाई छ । आरोपितलाई बिहिबार नै पक्राउ गरी अनुसन्धानका लागी हिरासतमा राखिएको छ ।
