दश हजार लिटर अवैध घरेलु मदिरा नष्ट

बागलुङ । जिल्ला प्रहरी कार्यालयलय बागलुङले १० हजार अवैध घरेलु मदिरा नष्ट गरेको छ । सोमबार चार हजार र मङ्गलबार छ हजार ५०० गरी १० हजार ५०० अवैध घरेलु मदिरा र कच्चा पदार्थ नष्ट गरेको हो ।

बागलुङमा पछिल्लो समय मदिरा सेवन गरेर होहल्ला गर्ने बढेपछि प्रहरीले सक्रियता बढाएसँगै उक्त मदिरा र कच्चा पदार्थ बरामद गरिएको जिल्ला प्रहरी कार्यालय बागलुङका सूचना अधिकारी प्रहरी नायब उपरीक्षक राजेन्द्र रेग्मीले बताए ।

केही मदिरा बिक्रीका लागि तयारी र केही मदिरा उतपादनमा प्रयोग हुने कच्चा सामग्री जाँड, मरचालगायत केही अखाद्य सामग्री बरामदपश्चात नष्ट गरिएको उनको भनाई छ । यस्तै प्रहरीले मङ्गलबारदेखि अवैध रहेको गाँजाका बोट फडानीसमेत शुरु गरेको छ ।