दीपिकासंग दीपकको ‘कृष्ण लीला’

काठमाडौं । पुष्प खड्का र दीपिका प्रसाईंको शीर्ष भूमिकामा ‘कृष्ण लीला’ फिल्म निर्माण हुने भएको छ । लकडाउनले पछारिएको फिल्म क्षेत्र पछिल्लो समय सलबलाउन थालेको छ । दीपक ओलीले निर्देशन गर्ने सो फिल्ममा कलाकारले फिल्म साइन गरिरहेका छन् ।

‘कृष्ण लीला’ निर्माण टिमका अनुसार कमेडी कथामा आधारित फिल्म हुनेछ । फिल्ममा पुष्प र दीपिकासँगै रविन्द्र झा, बुद्धि तामाङ लगायतका कलाकारको अभिनय रहने जनाइएको छ । सम्भव भएसम्म यो फिल्म असोज १५ गतेदेखि फ्लोरमा जाने तयारी गरिएको टिमले जनाएको छ ।