- १ जेष्ठ २०८३, शुक्रबार / May 15, 2026
२८ असार २०७७ काठमाडौं । कोरोना संक्रमण उकालो चढिरहेका बेला किन घट्यो परिक्षणको दायरा ? नेपालमा पछिल्लो २४ घण्टामा थप ८२ जनामा कोरोना भाइरसको संक्रमण पुष्टी भएको छ । आज थपिएका ८२ सहित नेपालमा संक्रमितको संख्या १६ हजार ८ सय १ पुगेको छ ।
पछिल्लो २४ घण्टामा थप १४७ जना उपचारपछि घर फर्किएका छन् । यो सहित डिस्चार्ज हुनेको संख्या ८५८९ पुगेको छ भने कुल संक्रमितमध्ये ३८ जनाको मृत्यु भएको स्वास्थ्य मन्त्रालयका प्रवक्ता डा. जागेश्वर गौतमले बताए ।
काठमाडौंमा ५, ललितपुरमा १ जना संक्रमण पोजेटिभ
काठमाडौं र ललितपुरमा गरी आज ६ जनामा कोरोना पोजेटिभ देखिएको छ । काठमाडौं उपत्यकासहित पछिल्लो २४ घन्टामा देशका विभिन्न प्रयोगशालामा गरिएको परीक्षणका क्रममा थप ८२ जनामा कोरोना भाइरसको संक्रमण पोजेटिभ देखिएको हो ।
जिल्लागत संक्रमित
२५ वटा प्रयोगशालामा गरिएको परीक्षणका क्रममा ८२ जना संक्रमित भेटिएका् छन्। यसअघि शनिबार करिब डेढ महिनापछि ७० जनामा मात्र संक्रण पुष्टि भएको थियो । प्रादेशिक जनस्वास्थ्य प्रयोगशाला विराटनगरमा गरिएको परीक्षणमा झापाका १ र मोरङका २ जनामा कोरोना पुष्टि भएको छ ।
प्रादेशिक जनस्वास्थ्य प्रयोगशाला जनकपुरमा धनुषाका १९ र सर्लाहीका १, राष्ट्रिय जनस्वास्थ्य प्रयोगशाला टेकुमा काठमाडौंका ३ र सिन्धुपाल्चोकका १, भरतपुर अस्पताल प्रयोगशाला चितवनमा चितनवका ५ जनामा कोरोना भेटिएको छ ।
किटजन्य रोग अनुसन्धान तथा तालिम केन्द्र प्रयोगशाला हेटौंडामा मकवानपुर र सिन्धुलीका १÷१, त्रिवि शिक्षण अस्पताल महाराजगञ्जमा काठमाडौंका २, ललितपुर र सोलुखुम्बुका १÷१, प्रादेशिक जनस्वास्थ्य प्रयोगशाला पोखरामा बागलुङका २, नवलपरासी पूर्वका १, पर्वतका २, स्याङजाका १ र तनहुँका ६ जनामा कोरोना पुष्टि भएको छ ।
पोखरा स्वास्थ्य विज्ञान प्रतिष्ठानमा गोरखाका १ र लमजुङका २, प्रादेशिक जनस्वास्थ्य प्रयोगशाला रुपन्देहीमा गुल्मी र पाल्पाका १÷१ जनामा कोरोना पाइएको छ । आरटी पिसिआर प्रयोगशाला दैलेखमा १, चौरजहारी नगरपालिका पिसिआर प्रयोगशालामा रुकुम पश्चिमका २ जना, सुर्खेत प्रादेशिक अस्पताल सुर्खेतमा ११ जनामा कोरोना पुष्टि भएको छ ।
कर्णाली स्वास्थ्य विज्ञान प्रतिष्ठान जुम्लामा कालीकोटका ७, डडेल्धुरा अस्पताल प्रयोगशालामा बझाङका १, डडेल्धुराका २, सेती प्रादेशिक अस्पताल प्रयोगशाला धनगढीमा कैलालीका २ र दार्चुलाका १ जनामा कोरोना पुष्टि भएको छ । मुलुकभर हाल ८ हजार १ सय ७४ जना अस्पतालको आइसोलेसनमा र २३ हजार ७ सय ८४ जना क्वारेन्टाइनमा रहेका छन् ।
भिडियाे हेर्न यहाँ थिच्नुस्…
https://www.facebook.com/Kailashkhabarnews/videos/319296729235597/
स्वीकृति नलिई मनपरी सुल्क असुल्दै ग्राण्डी र ह्याम्समा कोरोना परीक्षण
ग्राण्डी र ह्याम्स अस्पतालले स्वीकृति नलिई कोरोना परीक्षण गरेको पाइएपछि अनुसन्धान गर्न थालिएको छ । सरकारी निर्देशिका विपरित स्वाब संकलन गरी परीक्षणका लागि सरकारी प्रयोगशालामा पठाउने र सेवाग्राहीसँग मनपरी शुल्क उठाएको गुनासो आएपछि कारबाही गर्न लागेको मन्त्रालयले जनाएको छ।
गुणस्तर मापन तथा अनुगमन महाशाखाले वरिष्ठ औषधि व्यवस्थापक पानबहादुर क्षेत्रीको संयोजकत्वमा ३ सदस्यीय छानविन समिति गठन गरेको छ । स्वीकृत नै नलिई कोरोना परीक्षण गरिएपछि छानविन समितिलाई २ दिनभित्र प्रतिवेदन बुझाउन निर्देशन दिइएको छ ।
