- १ आश्विन २०८३, बिहीबार / Sep 17, 2026
काठमाडौं । चालु आर्थिक वर्ष २०८०–८१ को पहिलो दुई महिनामा करिब साढे दुई खर्ब रेमिट्यान्स भित्रिएको छ ।
राष्ट्र बैंकले आज सार्वजनिक गरेको गत भदौ मसान्तसम्मको आर्थिक तथा वित्तीय स्थिति प्रतिवेदनअनुसार यो अवधिमा विप्रेषण आप्रवाह २२ दशमलव एक प्रतिशतले बढेर दुई खर्ब २८ अर्ब ३७ करोड पुगेको छ ।
अघिल्लो वर्ष विप्रेषण आप्रवाह १९ दशमलव आठ ८ प्रतिशतले बढेको थियो । अमेरिकी डलरमा विप्रेषण आप्रवाह १७ दशमलव सात प्रतिशतले वृद्धि भई १ अर्ब ७३ करोड अमेरिकी डलर पुगेको छ ।
गत भदौ मसान्तसम्ममा वैदेशिक रोजगारीका लागि श्रम स्वीकृति लिने नेपालीको संख्या २८ दशमलव तीन प्रतिशतले घटेर ७४ हजार चार सय ५५ रहेको छ ।
