देशका विभिन्न भागमा चिसो बढेसंगै बाक्लो हुस्सु

काठमाडौं । केही दिन यता मौसममा आएको परिवर्तनले तराईका जिल्लाहरुमा बाक्लो हुस्सु लागेसंगै चिसो बढेको छ । पश्चिमी वायुको प्रभावले मुलुकभर तराईमा बाक्लो हुस्सु र चिासो बढेको हो ।  उत्तर–पश्चिमी वायुको प्रभावले पश्चिम तथा मध्य तराईका विभिन्न स्थानमा बाक्लो हुस्सु लागेको र चिसो बढेको जल तथा मौसम पूर्वानुमान महाशाखाले जनाएको हो ।

शुक्रबार यो वर्षकै सबैभन्दा कम १ दशमलव ६ डिग्री सेल्सियस मापन गरिएसंगै काठमाडौँ उपत्यकामा शनिबार तापक्रम २ डिग्री सेल्सियस मापन गरिएको छ । शुक्रबारको तुलनामा केही बढी तापक्रम भएको महाशाखाले जनाएको छ ।शनिबार दिउँसो प्रदेश नं १, बागमती प्रदेश तथा गण्डकी प्रदेशका भू–भागहरुमा आंशिक बदली रही बाँकी भू–भागमा मौसम सामान्यतया सफा रहने महाशाखाको अनुमान रहेको छ । शनिबार काठमाडौँ उपत्यकाको तापक्रम १८ डिग्री सेल्सियससम्म पुग्ने महाशाखाको पूर्वानुमान रहेको छ ।