- १ जेष्ठ २०८३, शुक्रबार / May 15, 2026
१ श्रावण २०७७ सिरहा । सेवाग्राहीसँग घुस लिदै गरेको अवस्थामा सिरहा कल्याणपुर नगरपालिकाका प्रमुखको छोरा पक्राउ परेका छन् ।
अख्तियार दुरुपयोग अनुसन्धान आयोग बर्दिबासको टोलीले पाँच लाख रूपैयाँ घुससहित लहान नगरपालिका–२२ स्थित राजदेवीचोकबाट नगरप्रमुख सूर्यनाथ मण्डलका छोरा सन्त मण्डल र उनका साथी जितेन्द्र महतोलाई पक्राउ गरेको हो ।
डीपीआरको भुक्तानीका लागि कमिशनस्वरुप सेवाग्राहीसँग नगरप्रमुख मण्डलले पाँच लाख मागेको र सो रकम लिन दुवै पुगेका थिए । सोही रकम लिँदै गर्दा दुवै जनालाई पक्राउ गरिएको अख्तियार दुरुपयोग अनुसन्धान आयोगले जनाएको छ । पक्राउ परेका सन्त र जितेन्द्रलाई बर्दिबासलगेर अनुसन्धान थालिएको छ ।
