- १५ भाद्र २०८३, सोमबार / Aug 31, 2026
काठमाडौं । नेकपा (माओवादी केन्द्र) को केन्द्रीय समिति बैठकप्रति सबैको ध्यान केन्द्रीत भएको छ । बिहीबार बस्ने केन्द्रीय समिति बैठक राजीनमा दिएका अर्थमन्त्री जनार्दन शर्माको ठाउँमा माओवादी केन्द्रले कस्लाई पठाउल भनेर सबैको ध्यान माओवादी केन्द्रको केन्द्रीय बैठकमा केन्द्रीत भएको हो ।
मंगलबारको बैठकले पदाधिकारी, स्थायी र पोलिब्युरो सदस्यको अन्तिम नामावली प्रस्ताव गर्न अध्यक्षलाई जिम्मेवारी दिइएको थियो । पार्टी अध्यक्ष प्रचण्डले बुधबार पनि बैठक स्थगित गरेर छलफल गरेका थिए । प्रतिवेदनमाथि केन्द्रीय सदस्यहरूले धारणा राखेपछि बुधबार प्रचण्डले जवाफ दिने र पदाधिकारी, स्थायी, पोलिटब्युरोको नामावली प्रस्ताव गर्ने कार्यक्रम थियो ।
माओवादी केन्द्रीय समितिको तेस्रो पूर्ण बैठक असार १९ र २० गते सञ्चालन भएको थियो । पदाधिकारी, स्थायी र पोलिटब्युरो सदस्य चयनका लागि गृहकार्य गर्ने भनेर मंगलबार स्थगित गरिएको बैठकमा बुधबार संसद बैठकमा सहभागी हुनुपर्ने भन्दै स्थगित भएको थियो र पदाधिकारी चयनका लागि पूर्वस्थायी समितिको बैठक बुधबार पनि पार्टी अध्यक्ष पुष्पकमल दाहाल प्रचण्ड निवास खुमलटारमा बसेको थियो ।
