नयाँ ‘जलवायु पहरेदार’कार्यक्रमको घोषणा

एजेन्सी । नयाँ ‘जलवायु पहरेदार’ कार्यक्रमको अमेरिकी राष्ट्रपति जो बाइडेनले घोषणा गरेका छन् । यो कार्यक्रम युवाहरूलाई हरित रोजगारी प्रदान गर्न सहयोग पुर्याउने उद्देश्यले शुभारम्भ गरिएको हो । संयुक्त राष्ट्रसङ्घको महासभामा भाग लिन न्युयोर्क पुगेका बाइडेनले जलवायु सङ्कटले सम्पूर्ण मानवताका लागि अस्तित्वको खतरा उत्पन्न गरेको चेतावनी समेत दिएका छन् ।

बाइडेनले ट्विटरमा लेख्नुभएको छ,‘ हामी स्वच्छ ऊर्जा, वातावरण संरक्षण र जलवायु उत्थानशीलता कार्यक्रममा अर्को पुस्तालाई परिचालन गर्दैछौँ ।’ यो योजनाले २० हजारभन्दा धेरै युवालाई प्रशिक्षित गर्ने राष्ट्रपति बाइडेनले जानकारी दिए ।