नाका खोलेर हुम्लामा खाद्यान्न

हुम्ला । हिमपातका कारण सदरमुकामसँग सम्बन्ध टुट्ने हुम्लाको लिमी उपत्यका र आसापासका गाउँमा हिल्सा नाकाबाट सामग्री आयात गरिएको छ।

कोरोना जोखिमका कारण बन्द रहेको नाका एक दिनका लागि खोलेर दैनिक उपभोग्य सामान आयात गरिएको हो । आइतबार चिनियाँ बजारबाट एक करोड रुपैयाँ बराबरको दैनिक उपभोग्य सामान किनेर ल्याइएको नाम्खा गाउँपालिकाका अध्यक्ष विष्णुबहादुर तामाङले बताए ।

दुई वटै नाका खोल्न लगाएर नाम्खा गाउँपालिकाको लिमी उपत्यकाका गाउँसहित अरू वडाका लागि सामग्री खरिद गरी ल्याइएको हो ।