- ७ आश्विन २०८३, बुधबार / Sep 23, 2026
काठमाडौं । नोबेल मेडिकल कलेजका विद्यार्थी रिले अनसन बसेका छन् । अन्य शिक्षण अस्पतालमा पढ्नको लागि स्थान्तरणको माग राख्दै विहिबारदेखि काठमाडौंको माइतीघर मण्डलामा विद्यार्थीहरुले रिले अनसन सुरु गरेका हुन । नोबेल कलेजबाट पीडित १० विद्यार्थीले सरकारले बनाएको नियम कानून नमान्ने क्यापसबाट अन्य शिक्षण अस्पतालमा पढ्ने वातावरणसहित स्थानन्तरण गर्न सरकारसँग माग राख्दै रिलेअनसन भोक हड्ताल तथा धर्ना सुरु गरेका हुन् । उनीहरूले विगत ८० दिन देखि निरन्तर अतिरिक्त शुल्क हटाउन माग गर्दै आन्दोलन गरिरहेका छन् ।
चिकित्सा शिक्षा आयोगले लिएको एकीकृत प्रवेश परिक्षाबाट योग्यता श्रेणीमा पास गरेर चिकित्सा शिक्षा आयोगको नियमानुसार काठमाडौं विश्वविद्यालयमा भर्ना भई नोबेल मेडिकल क्यापसमा एमबीबीएस पढ्न विद्यार्थीले चिकित्साशिक्षा आयोगले उपत्यका बाहिरका मेडिकल कलेजले ४४ लाखमा एमबीबीएस पढाउन भने पनि नोबेल मेडिकल कलेजले त्यो भन्दा बढि शुल्क लिएको बताउदै आएका छन् ।
