नौ दिनसम्म फोहर उठ्न नसक्दा काठमाडौं महानगरका सबै चोक दुर्गन्धित

काठमाडौं । काठमाडौं महानगरपालिकाको फोहोर नौ दिनसम्म उठ्न नसक्दा सहरका सबै चोकहरु दुर्गन्धित भएकाका छन् । फागुन १ गतेदेखि काठमाडौँ उपत्यकाको फोहोर स्थानीयवासीको अवरोधका कारण उठाउन नसकेपछि काठमाडौंका सबै चोहरु दर्गन्धित भएका हुन । महानगरपालिकाले सडक विभागलाई सडकको काम तत्काल पूरा गरी स्थानीयवासीको अवरोध हटाइदिन माग गरेको पनि कुनै सुनुवाईनै भएको छैन् ।

हाल फोहोर विसर्जन गरिएको स्थान नुवाकोटको सिसडोलसम्म पुग्ने बाटो मर्मत समयमै नगरेको भन्दै पासाङल्हामु राजमार्गका बासिन्दाले गरेको अवरोधका कारण काठमाडौँ उपत्यकाको १८ स्थानीय तहका फोहोर उठाउन नसकिएको जनाइएको छ । काठमाडौ महानगरपालिकाले फोहोरको उचित व्यवस्थापन गर्न नसकेपछि अहिले उपत्यकाका जनताले सास्ती भोगिरहेका छन् ।