पत्रकार वसन्त पोखरेलको निधन

बुटवल । अग्रज पत्रकार वसन्त पोखरेलको निधन भएको छ । ६८ वर्षीय पोखरेलको बेलवासस्थित आफ्नै निवासमा निधन भएको पारिवारिक श्रोतले जनाएको छ ।

पोखरेलले बुटवल टुडेमा स्थापनकालदेखि सम्पादकको रुपमा काम गर्दै आएका थिए । पछिल्लो समय सम्पादन सल्लाहकार रहेका पोखरेलले कोभिड संक्रमणयता घरबाटै काम गर्दै आएका थिए ।

पत्रकारिताको धरोहरका रुपमा रहेका पोखरलेको निधनले नेपाली पत्रकारितामा ठूलो क्षति पुगेको नेपाल पत्रकार महासंघ रुपन्देही जनाएको छ ।