- २३ आश्विन २०८३, शुक्रबार / Oct 9, 2026
सुर्खेत । सरकारले भूकम्पका कारण पहिरोको जोखिममा रहेका जाजरकोटको भेरी नगरपालिका.१ च्याउपानीका स्थानीयवासीलाई सुरक्षित ठाउँमा सारेको छ । गएको कात्तिक १७ गते रामीडाँडा केन्द्रविन्दु भएर गएको भूकम्पपछि च्याउपानीमा बस्न जोखिम भएको थियो ।
जिल्ला प्रहरी कार्यालय जाजरकोटको सहयोगमा गाउँका ११ वटा परिवारलाई पहिरोबाट जोगाउन सुरक्षित ठाउँमा सारिएको हो । छ वटा परिवारलाई भेरी–१ मेदेगाउँको खुला चौर र अन्यलाई आफन्तकहाँ तत्कालका लागि बस्ने व्यवस्था मिलाएको वडाध्यक्ष दीपक रानाले बताउए ।
त्यस्तै चार दिनदेखि अवरुद्ध भएको लुम्बिनी– रारा राजमार्गअन्तरर्गत जाजरकोटकोटको भेरी–२ का विभिन्न ठाउँमा पहिरो जाँदा यातायात सेवा अवरुद्ध भएको छ । सडक खुलाउन पहल नभएको स्थानीयवासी पुष्प ओलीले बताए । रासस
