- २३ श्रावण २०८३, शनिबार / Aug 8, 2026
२५ असार २०७७ काठमाडौं । भारतीय न्यूज च्यानलको बकबासपछि नेपालमा भारतीय समाचार टेलिभिजन च्यानलको प्रसारणमा रोक लगाईएको छ । विदेशी च्यानल वितरक मल्टी सिस्टम अपरेटर (एमएसओ) हरुले स्वफुर्त भारतीय न्यूज च्यानलहरूको प्रसारण नेपालमा बन्द गरेका हुन् ।
प्रधानमन्त्री केपी शर्मा ओली र चिनियाँ राजदूत होउ यान्छीलाई जोडेर भारतीय संचारमाध्यमले अनर्गल र अतिरञ्जित प्रसारण गरेपछि बन्द गरिएको हो । एमएसओहरुले स्वतःफूर्त यस्तो निर्णय लिएको नेपाल केवल टेलिभिजन महासंघका कार्यकारी निर्देशक राधेश्याम लेकालीले बताए । केवल टेलिभिजन महासंघले आधिकारिक निर्णय नगरेपनि कम्पनीहरुले स्वत यो कदम चालेको उनको भनाई छ ।
भारतीय टेलिभिजन च्यानलहरूले नेपालबारे अनर्गल प्रचार गरिएपछि यो कदम चालिएको हो । भारतले अतिक्रमण गरेको लिम्पियाधुरा, कालापानी र लिपुलेक समेटेर गत वैशाख ७ मा नेपालले नयाँ नक्सा जारी गरेयता भारतीय टेलिभिजन च्यानलले अतिरञ्जित अफवाह फैलाउने गरिरहेका छन् । भारतीय न्युज च्यानलको अफवाह विरुद्ध प्रसारण बन्द गरिएको हो ।
