बाइडेनले आज अमेरिकी राष्ट्रपतिको शपथ लिदैँ

काठमाडौँ । अमेरिकाका नवनिर्वाचित राष्ट्रपति जो बाइडेन र उपराष्ट्रपति कमला ह्यारिसले आज पद तथा गोपनियताको शपथ लिँदैछन् ।

शपथ कार्यक्रममा हिंसा हुन सक्ने भन्दै अमेरिकाका सबै ५० वटै राज्यमा उच्च सतर्कता अपनाइएको छ। राष्ट्रपतिको स्वागत तथा निवर्तमान राष्ट्रपति ट्रम्पको बिदाइ गरिदैछ। अमेरिकाको राजधानी वासिङ्टन डिसीलगायत ५० राज्यमा सुरक्षा व्यवस्था निकै बलियो बनाइएको छ ।

शपथ कार्यक्रममा हिंसात्मक गतिविधि हुन सक्ने आशंकाका साथ सुरक्षा व्यवस्था कडा बनाइएको छ भने राजधानी वासिङ्टनमा १५ हजार विशेष सुरक्षा सैनिक परिचालन भएको छ। राष्ट्रपति डोनाल्ड ट्रम्प बाइडेनको शपथमा सहभागी नहुने भएका छन्।