‘बिहे पास’ चैत्र पहिलो साता

काठमाडौं । चैत्रको पहिलो साताबाट फिल्म ‘बिहे पास’को छायाँकन सुरु हुने भएको छ ।

प्रवेश पौडेलको निर्देशन रहने फिल्ममा दयाहाङ राई र प्रकृति श्रेष्ठ मुख्य भूमिकामा देखिने बताइएको छ । फिल्मको अझै केही कलाकार छनौट हुन बाँकी रहेको र जसको छनौट निर्माण युनिटले अडिसनमार्फत गर्न लागेको छ ।

आरआर फिल्मस् प्रोडक्सनको ब्यानरमा बन्ने फिल्मका लागि २० देखि ६५ वर्षसम्मका २२ जना पुरुष र ५ नारी कलाकारको आवश्यकता रहेकोले अडिसन मार्फत कलाकार छनौट गर्न लागिएको प्रस्तुतकर्ता रोहित कट्टेलले बताए ।