भारतबाट ५० लाख सिरिन्ज नेपाल आपूर्ति गरिदै

काठमाण्डौ । सरकारले कोरोना विरुद्धको खोप अभियानलाई प्रभावित हुन नदिन भारबाट सिरिन्जको आपूर्ति थालिएको जनाएको छ । सिरिन्ज अभाव भएमा केही जिल्लामा अभियान प्रभावित हुने भएपछि सरकारले भारतबाट सिरिन्ज आपूर्तिको थालनी गरेको हो ।

सिरिन्जको अभावका कारण खोप अभियान प्रभावित नहोस् भन्नका लागि भारतबाट ५० लाख सिरिन्ज ल्याउने तयारी भइसकेको स्वास्थ्य सेवा विभाग व्यवस्थापन महाशाखाले जनाएको छ । देशभर एक करोड २२ लाख ४० हजार डोज खोप मौज्दात रहेपनि खोप अभियानले सोचे जति गति लिन नसकेपछि १२ देखि १७ वर्षसम्मका बालबालिकालाई वितरण भइरहेको खोप सुरक्षित भएकाले ढुक्क भएर लगाउने मौका नगुमाउन सरकारले सुझाव दिएको छ ।