- २६ भाद्र २०८३, शुक्रबार / Sep 11, 2026
१४ साउन २०७७ काठमाण्डौ । दार्चुलाको कालापानी, लिम्पियाधुरा लगायत क्षेत्रमा नेपालीको उपस्थितिलाई लिएर भारतले आफ्नो भन्दै पठाएको पत्रको जवाफ नेपाल सरकारले पठाएको छ । जिल्ला प्रशासन कार्यालय दार्चुलाले भारतको सीमावर्ती धार्चुलाका जिल्ला अधिकारीलाई पत्र पठाउदै नेपालको भूमिमा नेपालीलाई नै धम्की दिन बन्द गरेर नेपालीलाई दुःख नदिन भनेको छ ।
गृह मन्त्रालयको निर्देशनपछि धार्चुलाका जिल्ला अधिकारीलाई जवाफी पत्र पठाइएको दार्चुलाका प्रमुख जिल्ला अधिकारी शरदकुमार पोखरेलले बताए । पत्रमा सुगौली सन्धी तथा त्यस समयमा प्रकाशित नक्साहरू र ऐतिहासिक तथ्य–प्रमाणबाट लिम्पियाधुरा, नाबी, कुटी, गुन्जी, लिपुलेक, कालापानीलगायत क्षेत्र नेपालको भूभाग भन्ने प्रष्ट हुदाहुदै नेपाली भूभागमा नेपालीको आवतजावत स्वाभाविक नै रहेकोले बाधा–अड्चन नगर्न भनिएको छ ।
यो पनि पढ्नु…
