भारतीय कलाकारका कारण सुनसरीमा भडप, प्रहरीसहित पाँच जना घाइते

काठमाडौं । सुनसरीमा भारतीय कलाकार खेसरीलाल यादवका कारण झडप भएपछि पाँजना घाइते भएका छन् । सुनसरीको बर्जु महोत्सवमा मंगलबार भएको झडपमा प्रहरीसहित पाँच जना घाइते भएका हुन । कलाकार यादवलाई हेर्न गएका दर्शकलाई टिकट बिना प्रवेश निषेध गरेको पछि प्रवेश शुुल्क महँगो भएको भन्दै महोत्सव हेर्न आएकाले विरोध जनाएपछि झडप भएको थियो ।

महोत्सव हेर्न आएका सीताराम महतो, रञ्जित मेहता र अन्य प्रहरी घाइते भएको जनाइएको छ । हरेक वर्ष माघमा हुँदै आएको बर्जु महोत्सवमा अघिल्लो वर्ष पनि भारतीय कलाकार यादव आउँदा झडप भएको स्थानीयको भनाई छ ।