भूमेका सात घर पहिराले उच्च जोखिममा

२८ साउन २०७७ रुकुम । भूमे गाउँपालिका–७ भित्रिवनका सात घर पहिराको उच्च जोखिममा परेका छन् ।

अविरल वर्षाका कारण धनिमान केसी, मनोज ओली, कर्मु ओली, भीमबहादुर डाँगी, राजेन्द्र रोका, बखत रोका र कलमसिं बिसीको घर पहिराको उच्च जोखिममा परेको हो ।

घरमुनि बाट पहिरो झर्दा उच्च जोखिममा रहेका वडाध्यक्ष धनमान रोका मगरले बताए । भित्री वनमा कमजोर माटो भएका कारण वर्षा हुने बित्तिकै पहिरो खस्ने समस्या हुने गरेको छ । यसैगरी हावाहुरी र पहिराले गर्दा वडाका लाबाङ, भित्रीवन, डाङरिबाङ, रिसललगायत ठाउँमा लगाइएको मकै बालीमा पनि क्षति पुगेको छ ।