- १८ श्रावण २०८३, सोमबार / Aug 3, 2026
कपिलवस्तु । नगरपालिका– ३ सानो बर्गदहवाबाट प्रहरीले १२ कार्टुन रक्सी बरामद गरेको छ । उम्मेदवारले मतदातालाई बाँड्दै गरेको अवस्थामा बुधवार कपिलवस्तु प्रहरीले रक्सी बरामद गरेको हो ।
रक्सी स्थानीयलाई बाँड्न लागेको देखेपछि स्थानीयले प्रहरीलाई खबर गरे । त्यसपछि लु १ ज २४१० नम्बरको भ्यानलाई प्रहरीले नियन्त्रणमा लिएको छ । रक्सी सहितको भ्यान र मानिसलाई प्रहरीले नियन्त्रणमा लिएको हो ।
भ्यानबाट २६० बोतल रक्सीसहित प्रहरीले एक जनालाई पक्राउ गरेको जिल्ला प्रहरी कार्यालय कपिलवस्तुका प्रवक्ता डीएसपी जेसी शाहले बताए ।
निवर्तमान वडा अध्यक्ष तथा क्रिकेट एसोसिएसन कपिलवस्तुका अध्यक्ष समेत रहेका वडा नम्बर ३ का उम्मेदवार प्रकाश गैरेले रक्सी बाँड्न लगाएको पक्राउ परेका ती व्यक्तिको आरोप छ ।
