मधेस प्रदेश सरकारले खरिद गरेका पाँच वटा बस नचलाउने निर्णय

धनुषा । मधेस प्रदेश सरकारले खरिद गरेका पाँच वटा बस मधेस प्रदेश मन्त्रिपरिषद् बैठकले नचलाउने निर्णय गरेको छ । मधेस प्रदेश सरकारले अघिल्लो आर्थिक वर्षमा प्रदेश परिवहन स्थापना गर्ने लक्ष्यका साथ बस खरिद गरेरका बस वीरगञ्ज–सप्तरी रुटमा नचलाउने निर्णय गरेको हो । तत्कालीन मन्त्री जितेन्द्र सोनलले २०७७ सालको धनतेरसका दिन ३ करोड ९ लाख ८२ हजार रुपैयाँमा ५ वटा बस खरिद गरी ल्याएका थिए भने ती बस जनकपुर चुरोट कारखानामा राखिएको थियो ।

मन्त्रिपरिषद् बैठकले ती बस विभिन्न संस्थानलाई दिने निर्णय गरेको हो । मधेस स्वास्थ्य विज्ञान प्रतिष्ठानलाई दुई वटा, कृषि विश्वविद्यालय, कृषि तालिम केन्द्र धनुषा र प्रदेश प्रशिक्षण केन्द्रलाई एकरएक वटा बस दिने निर्णय भएको जनाइएको छ ।