याम्पा–आँबुखैरेनी सडक पहिरोका कारण अवरुद्ध

तनहँ । तनहुँको याम्पा–आँबुखैरेनी सडकखण्ड अवरुद्ध भएको छ । बन्दीपुर गाउँपालिका–५ याम्पास्थित सडकमा पहिरो खस्दा याम्पा–आँबुखैरेनी खण्ड अवरुद्ध भएको हो । पहिरो हटाएर राजमार्ग दुईतर्फी सञ्चालन गराउने काम भइरहे पनि पृथ्वीराजमार्ग विस्तारका लागि भित्ता काट्ने काम भइरहँदा बेला–बेलामा पहिरो खसेर राजमार्ग अवरुद्ध हुने गरेको जनाइएको छ ।

सडकमाथिबाट खसेको पहिरोका कारण दुईतर्फी रूपमा अवरुद्ध भएकामा एकतर्फी सञ्चालनमा ल्याइएको जिल्ला प्रहरी कार्यालय तनहुँले जनाएको छ ।