रूपन्देहीकाे तिलोत्तमामा स्थगित मतगणना पुनः सुरु

बुटवल । गणकहरुले एमालेको पक्षमा मत बढाएर अभिलेख राखेको पाइएपछि उत्पन्न विवादका कारण स्थगित भएको मत गणना पुनः सुरु भएको छ । रुपन्देहीको तिलोत्तमामा मंगलबार विहान ३ बजेदेखि मत गणना रोकिएको थियो । दुुई दिनदेखि स्थगित भएको मत गणना सुुरु भएको हो ।

तिलोत्तमाका सहायक निर्वाचा अधिकृत इन्द्र सापकोटाका अनुसार नेकपा एमाले बाहेका दलहरुले नगरपालिकाको वडा नंं. २ र १६ को मत गणना पुनः गर्नुपर्ने माग गर्दै निर्वाचन आयोगमा निवेदन दिएका थिए । निर्वाचन आयोगको निर्देशन बमोजिम उक्त वडाहरुमा मत गणना सुरुबाटै गरिएको हो ।

तिलोत्तमा मेयर पदमा नेपाली कांग्रेसका रामकृष्ण खाँण र नेकपा एमालेका मोहन चापाईंबीच प्रतिस्पर्धा रहेको छ भने उपमेयर पदमा एमालेकी जागेश्वरीदेवि चौधरी र माओवादी केन्द्रका हेमन्त पाण्डेबीच प्रतिस्पर्धा रहेको छ ।