- ११ कार्तिक २०८३, बुधबार / Oct 28, 2026
२९ असार २०७७ सिरहा । लागुऔषधसहित प्रहरीले सिरहाको दुई स्थानबाट दुईजनालाई ठाउँको ठाउँ पक्राउ गरेको छ
। सीमावर्ती बरियारपट्टि गाउँपालिका २ श्रीपुरका २० वर्षीय चन्दन कुमार यादव र नवराजपुर गाउँपालिका ४ का रामपुकार शर्मालाई नियन्त्रणमा लिएको प्रहरीले बताएको छ ।
पैदल यात्रीलाई प्रहरीले चेकजाँच गर्दा यादवको साथबाट लागुऔषध अल्प्राजोल्याम ट्याब्लेट १८०० पीस र पेन्टाजोसाईन २८६ एम्पुल बरामद गरेको हो । इलाका प्रहरी कार्यालय लहानबाट खटिएको प्रहरी टोलीले शर्मालाई चेकजाँचको क्रममा लागुऔषध डाइजिल्याब ४६ एम्पुल, फेनारागन ४७ एम्पुल, नोफिन ४६ एम्पुल गरी जम्मा १३९ एम्पुल बरामद गरेको हो ।
शर्माले प्रयोग गरेका १६० सीसीको अपाचे अनटेष्ट मोटरसाइकल पनि प्रहरी नियन्त्रणमा लिएको र घटनाबारे थप अनुसन्धान भइरहेको जिल्ला प्रहरी कार्यालय सिरहाका प्रवक्ता तथा डिएसपी विनोद घिमिरेले बताए ।
