- १२ श्रावण २०८३, मंगलवार / Jul 28, 2026
दाङ । स्थायी राजधानी देउखुरी भएसँगै लुम्बिनी प्रदेश सरकारले राजधानीलाई विशेष बनाउन गुरुयोजना थालेको छ ।असोज २० गते बसेको प्रदेश सभा बैठकले प्रदेशको नाम लुम्बिनी र राजधानी राप्ती उपत्यका देउखुरी बनाउने निर्णय गरेको थियो ।
सोही निर्णय अनुसार स्थायी राजधानीमा पूर्वाधार निर्माणको गुरुयोजना थालेको हो ।लुम्बिनी प्रदेशको राजधानीलाई नयाँ, अत्याधुनिक, स्मार्ट र सुन्दर हरित शहरको रुपमा विकास गर्ने योजना अनुसार प्रदेशले पूर्वाधार विकास प्राधिकरणले गुरुयोजना बनाउने प्रक्रियालाई अगाडि बढाएको हो ।
नयाँ शहर बनाउनको लागि चीन सरकार र चिनियाँ कम्युनिष्ट पार्टीसँग सहकार्यका लागि प्रदेशले छलफल समेत गरेको छ । लुम्बिनी प्रदेश सरकार र चीन सरकारको बीचमा राजधानी व्यवस्थापनको विषयमा औपचारिक छलफल समेत भइसकेको छ । चिनियाँ कम्युनिष्ट पार्टी अन्तर्राष्ट्रिय विभाग जर्नल डाइरेक्टर सन हाइनले लुम्बिनी प्रदेश सरकारलाई शहर बसाउनको लागि योजना निर्माणमा सघाउने प्रतिबद्धता व्यक्त गरेका छन् ।
