विश्वभर पछिल्लो २४ घण्टामा ४ लाख २३ हजार ३२४ जना कोरोना संक्रमित थपिए

काठमाडौँ । पछिल्लो २४ घण्टामा विश्वभर ४ लाख २३ हजार ३२४ जना कोरोना संक्रमित थपिएका छन् । वर्ल्डो मिटरको आँकडा अनुसार विश्वभर १८ करोड ३३ लाख ८९ हजार ९७७ जनामा कोरोना संक्रमण पुष्टि भएकोमा हाल १ करोड १५ लाख १५ हजार ४७१ जना सक्रिय संक्रमित रहेका छन् । विश्वभर सबैभन्दा बढी सक्रिय संक्रमित अमेरिकामा रहेका छन् । अमेरिकामा हाल ४८ लाख ८८ हजार ८७० सक्रिय संक्रमित रहेका छन् भने पछिल्लो २४ घण्टामा १६ हजार ३३२ जनामा संक्रमण पुष्टि भएको छ ।

यस अवधिमा ३१५ संक्रमितले ज्यान गुमाउदा २४ हजार ५८३ संक्रमित भने निको भएका छन् । त्यस्तै, भारतमा थप ४३ हजार ३६० संक्रमित थपिएका छन् । ७९६ संक्रमितको मृत्यु हुँदा ५४ हजार ५६५ जना निको भएका छन् । हाल भारतमा ५ लाख १७ हजार ५७९ जना संक्रमित रहेका छन् । ब्राजिलमा भने ११ लाख ७० हजार ८४३ जना सक्रिय संक्रमित रहेका छन् । पछिल्लो २४ घण्टामा ब्राजिलमा थप ६३ हजार १४० जना संक्रमित थपिदा १ हजार ९४३ जनाको मृत्यु र ७२ हजार ६४० संक्रमित निको भएका छन् ।